Vivimos nun mundo estresante, cheo de ruído e marcado polas présas no que cada vez é máis difícil escapar da rutina, do traballo e da monotonía.
Este ritmo frenético no que nos vemos mergullados no noso día a día fainos desconectar de nós mesmos e dos nosos seres máis queridos, como a nosa parella.
Nos 20 anos que levamos dedicados a crear experiencias idílicas de desconexión e conexión na natureza, comprobamos que hai 3 factores fundamentais para poder vivir unha aventura destas características na súa máxima plenitude.
- A contorna natural.
- A intimidade
- O confort
Con este método conseguimos espazos únicos para voltar á esencia, esquecerse do superfluo e recargar as pilas para volver á túa rutina renovad@ e cunha enorme sensación de paz
1.- A procura do emprazamento perfecto
Buscamos durante anos a localización perfecta para construír as nosas cabanas, non é unha tarefa doada. O lugar debe reunir unha serie de características difíciles de conseguir
- Unha leira edificable clasificada como urbana e que ao mesmo tempo teña árbores grandes e autóctonas
- Sen contaminación lumínica e afastada de calquera ruído
- Cunhas vistas inmellorables ás mellores paisaxes de mar ou montaña de Galicia.
En definitiva, unha contorna óptima e espectacular para crear esta experiencia vital de desconexión co mundo e conexión coa natureza.
2. Deseño e construción respectando a contorna e buscando intimidade
A nosa aposta por un deseño tan específico e gran calidade na construción levounos a confiar desde o primeiro día en Salgado e Liñares ((www.salgadoeliñares.com) e ADDOMO Arquitectura Modular (www.addomo.es), profesionais cos que seguimos traballando nos nosos próximos proxectos. A túa privacidade e a da túa parella, xunto co benestar e o mimo no detalle, eran as nosas prioridades. Por iso o deseño é tan coidado e a construción de todas as nosas cabanas faise con materiais naturais, mimetizándose co bosque e respectando a contorna natural.
Teredes a sensación de que estades sós no medio do bosque.
3. O confort
Estar na natureza non ten porqué significar privarse de comodidades.
Vestimos cada cabana con todo tipo de comodidades propias dun hotel de luxo.
Ademais, utilizamos produtos naturais, ecolóxicos e de proximidade para que non renuncies ao confort absoluto na túa escapada no medio da natureza.
